Открыть главное меню

Олан туйПравить

Сергей Морозов чужис Вӧлӧгда губерняысь Усть-Сысольск уездса Межадорын (ӧні — Сыктыв районса Межадор сикт) 1913 вося йирым тӧлысь 7-ӧд лунӧ.

Ветліс Айму вӧсна Ыджыд тыш вылӧ. Война бӧрын редактораліс Крымса небӧг лэдзанінын да директораліс Симферопольын полиграфия училишӧын.

Куліс 1988 вося сора тӧлысь 6-ӧд лунӧ.

Гижан уджПравить

1938 воын йӧзӧдіс «Депутатлӧн мӧвпъяс» поэма. Гижис уна висьт, очерк, комиӧдіс некымын гижӧд. 1957 восянь пырӧ СССР-са гижысь котырӧ.

Сергей Морозов гижис «Паметьын и син водзын» небӧг, кытчӧ пыртіс статьяяс, очеркъяс да казьтылӧмъяс аслас тшӧтшъяяс йылысь, кодъяс удитісны нимӧдны асьсӧ война да мирнӧй кадӧ.

Дасьтіс «Вояс пыр, би пыр» антология, кытчӧ пыртіс Айму вӧсна Ыджыд тыш кадӧ усьӧм коми гижысьяслысь гижӧдъяссӧ: Н.А. Шахов (Сандрик Микол) (18981943), Я.И. Чупров (Биа Ӧгыр) (19061942), Б.С. Ярасов (Биавир) (19081942), А.Д. Старцев (Тикӧн Ӧльӧксан) (19061943), Н.А. Старцев (Тикӧн Коляй) (19071943), И.Н. Симаков (Сим Вань) (19061943), И.П. Титов (Тит Паш Вань, И.Лучев) (19081941), И.А. Осипов (Вокан) (19111942), И.Г. Подоров (Гаврил Иван) (19061942), В.П. Латкин (19071942), В.И. Елькин (Иван Вась) (19121942), А.П. Размыслов (19151943), А.Г. Габов (Гриш Саш) (19121941), М.И. Шестаков (Мивашеков) (19041942), И.Н. Габов (Иван Комсомольскӧй) (19141941), А.А. Шаманов (19181943), Н.С. Самарин, С.А. Маегов.

НебӧгъясПравить

ӦшмӧсъясПравить

ЫстӧдъясПравить