Открыть главное меню

Олан туйПравить

Паня Мысов чужис Вӧлӧгда губерняысь Усть-Сысольск уездса Помӧсдінын (ӧні Коми Республикаын Кулӧмдін районса Помӧсдін сикт) 1914 вося сора тӧлысь 27-ӧд лун.

Пантелеймон Мысов медводдзаысь тӧдмасис профессиональнӧй театркӧд 1923 воын, кор сылы вӧлі 9 арӧс да сійӧ отсасис ыджыдджык чойыслы уджавны Нардомса гардеробын. Театрса искусствоӧн тӧдмасьӧм вайӧдіс сійӧс художественнӧй самодеятельносьтлӧн кружокӧ. 13 арӧсаӧн сійӧ пырис отсасьны небӧг личкаланінӧ, кӧні уджаліс сылӧн ыджыдджык вок Николай, пырӧдчис драма кружоклӧн уджӧ, мыйлы бӧрыннас сетісны «Синяя блуза» ним.

Режиссураӧн Мысов тӧдмасис водз. Кор сылы вӧлі 17 арӧс, пырис велӧдчыны сценическӧй искусствояслӧн Ленинградса техникумысь режиссёр факультетӧ. Велӧдчӧмысь ковмис эновтчыны, сы вӧсна мый эз сюр ӧтуволанінысь местаыс.

Во мысти П. Мысов кутіс велӧдчыны тайӧ жӧ техникумас актёръяслӧн факультетын (сёрӧнджык лои институтӧн) коми студиакӧд. Найӧс велӧдісны татшӧм педагогъяс, кыдзи Н. Комаровская да Я. Фрид.

1936 восянь П.А. Мысов — Коми Республикаса драма театрын артист, 1940 восянь — режиссёр. Айму вӧсна Ыджыд тыш бӧрын — театра директор да художественнӧй веськӧдлысь.

19421945 воясӧ Пантелеймон Мысов вӧлі Республикаса театрлӧн Уква филиалын директорӧн да художественнӧй веськӧдлысьӧн.

1948 воын Мысов мӧдӧдчис Москваӧ ГИТИС бердын джынвося режиссёръяслӧн курсъяс вылӧ. Та бӧрын Драма театрын пуктіс вель уна выль спектакль. Сьӧлӧмӧн сьӧкыд висьӧм вӧсна 1953 во бӧрын П.А. Мысов этшаджык режиссёраліс, а 1957 воын пуктіс ассьыс бӧръя удж.

Куліс 1958 вося рака тӧлысь 24-ӧд лунӧ Сыктывкарын.

ВорсӧмъясПравить

РольясПравить

  • Борис Годунов («Борис Годунов»)
  • Городничий («Ревизор» Н.В. Гогольлӧн)
  • Платон Кречет («Платон Кречет» А. Корнейчуклӧн)
  • Антонов («Земля» Н. Вирталӧн)
  • Латкин («Домна Каликова» Н.М. Дьяконовлӧн да С.И. Ермолинлӧн)
  • Ваньков («Глубокая запань» Н.М. Дьяконовлӧн да С.И. Ермолинлӧн)
  • Быстряков («Кырнышъяс» Н.М. Дьяконовлӧн да С.И. Ермолинлӧн)
  • Ленин («Человек с ружьем», «Ленин в 1918 году» и «Кремлевские куранты» Н. Погодинлӧн)
  • Отелло («Отелло» У. Шекспирлӧн)
  • Профессор Мамлок («Профессор Мамлок» Л. Рахмановлӧн)
  • Егор Булычев («Егор Булычев и другие» М. Горькийлӧн)
  • Несчастливцев («Лес» А. Островскийлӧн)
  • Адмирал Макаров («Порт-Артур» Поповлӧн да Степановлӧн)
  • Рогожин («Идиот» Ф.М. Достоевский серти)
  • Муравьёв («Свадьба с приданым» Н.М. Дьяконовлӧн)
  • Кулак Ткаченко («Шел солдат с фронта»)
  • Жухрай («Как закалялась сталь» Н. Островский серти)
  • Валько («Молодая гвардия» А. Фадеев серти)
  • Павел Кругляк («Макар Дубрава» А. Корнейчуклӧн)
  • Воропаев («Счастье» П. Павленко серти)
  • Старик («Старик» М. Горькийлӧн)
  • Отец («Сын» В. Поташевлӧн)
  • Кулак Кипрушев («Усть-Куломское восстание» Н.М. Дьяконовлӧн да С.И. Ермолинлӧн)
  • Митя Гиря («Сиктса рытъяс» В.Д. Лекановлӧн)

Спектакль пуктӧмПравить

  • «Страшный суд» В. Шкваркинлӧн (1940)
  • «День рождения» Н. Задонскийлӧн (1940)
  • «Граница» Н. Заболоцкийлӧн, (1940)
  • «Профессор Мамлок» Л. Рахмановлӧн, (1941)
  • «Таланты» К. Финнлӧн (1942)
  • «Васса Железнова» М.Горькийлӧн (1943, 1945)
  • «Русский вопрос» К. Симоновлӧн
  • «Жди меня» К. Симоновлӧн
  • «Парень из нашего города» К. Симоновлӧн
  • «Без вины виноватые» А. Островскийлӧн
  • «На бойком месте» А. Островскийлӧн
  • «Лес» А. Островскийлӧн
  • «Мачеха» О. де Бальзаклӧн
  • «Раскинулось море широко» Вс. Вишневскийлӧн, А. Кронлӧн да В. Азаровлӧн
  • «Молодые патриоты» С. Ермолинлӧн (1946)
  • «День отдыха» В. Катаевлӧн (1946)
  • «Старик» М. Горькийлӧн (1947)
  • «Бранденбургские ворота» М. Светловлӧн (1947)
  • «На белом свете» П. Нилинлӧн (1947)
  • «Сын» В. Поташевлӧн (1948)
  • «Ванина Ванини» Стендаль серти (1949)
  • «Свадьба» Н.М. Дьяконовлӧн (1949)
  • «Два капитана» В. Каверинлӧн (1949)
  • «Кто виноват?» Г. Мдиванилӧн (1949)
  • «Егор Булычев и другие» М. Горькийлӧн (1949)
  • «Кавалер Золотой Звезды» С. Бабаевскийлӧн (1949)
  • «Макар Дубрава» А. Корнейчуклӧн (1950)
  • «Женитьба Бальзаминова» А. Островскийлӧн (1950)
  • «Сильные духом» Д. Медведевлӧн роман серти (1951)
  • «Тундраса бияс» В.В. Юхнинлӧн роман серти (1951)
  • «Семья Аллана» Мухтаровлӧн (1951)
  • «Под золотым орлом» Я. Галанлӧн (1951)
  • «Совесть» Ю. Чепуринлӧн (1952)
  • «Семья» И. Поповлӧн (1953)
  • «Земной рай» болгарса драматург О. Василевлӧн (1953)
  • «Опасный спутник» А. Салынскийлӧн (1953)
  • «Без вины виноватые» А. Островскийлӧн (1953)
  • «Лев Гурыч Синичкин» Ленскийлӧн (1955)
  • «Северное сияние» коми драматург Г. Ермаковлӧн (1956)
  • «Шестеро любимых» А. Арбузовлӧн (1957)

Общественнӧй уджПравить

Пантелеймон Мысовӧс кыкысь бӧрйылісны Коми АССР-са Вылыс Сӧветӧ депутатӧн. 19501958 воясӧ веськӧдліс Ставсоюзса Театральнӧй Котырлӧн Коми юкӧнӧн.

НаградаясПравить

ӦшмӧсъясПравить

ЫстӧдъясПравить