Райда (конкурс)

Райда — коми нывъяс пӧвстын республикаса конкурс, мый вӧзйис нуӧдны «Коми войтыр» ӧтмунӧм. Медводдзаысь вӧлі нуӧдӧма 2006 воын Сыктывкарын.

История

Райда — 2006

Медводдза «Райда» конкурсын вермасис 15 ныв.

Вермысьяс

• I. «Райда» ним — Яна Васильченкова (Кулӧмдін районса Пожӧг сикт)
• II. «Катшасин» ним — Наталья Чаланова (Сыктывкар)
• III. «Пӧлӧзнича» ним — Анастасия Есева (Кӧрткерӧс район)
• «Медся муса ныв» (видзӧдысьяссянь приз) — Александра Канева (Инта)

Жури

«Коми войтыр» ӧтмунӧмӧн юрнуӧдысь Валерий Марков (веськӧдлысь), Коми Республикаса нимйӧза гижысь Владимир Тимин, Коми Республикаса Каналан Сӧветса депутат А.С. Цыпанов, коми фольклор туялысь А.Н. Рассыхаев.

Райда — 2008

Конкурсӧ пырӧдчис 15 ныв.

Вермысьяс

• I. «Райда» ним — Юлия Седрисева (Емдін районса Туискерӧс сикт)
• II. «Катшасин» ним — Наталья Казминова (Кулӧмдін районса Керчомъя сикт)
• III. «Пӧлӧзнича» ним — Яна Сажина (Сыктывкар)
• «Медся муса ныв» (видзӧдысьяссянь приз) — Анастасия Ветошкина (Кӧрткерӧс районса Висер сикт)

Райда — 2010

Вермысьяс

• I. «Райда» ним — Ирина Терентьева (Изьва районса Изьва сикт)
• II. «Катшасин» ним — Нина Тарабукина (Кулӧмдін районса Куж сикт)
• III. «Пӧлӧзнича» ним — Анастасия Ветошкина (Сыктывкар)
• «Медся муса ныв» (видзӧдысьяссянь приз) — Антонина Подорова (Кӧрткерӧс районса Одыб сикт)

Райда — 2012

«Райда» конкурс вӧлі ӧшым тӧлысь 1-2-ӧд лунъясӧ. Артмис 5 петкӧдчӧмысь. Вермасьӧмӧ пырӧдчис 13 ныв: Мастыкина Евгения (Ускар каркытшса Нӧвикбӧж грезд), Налётова Ирина (Сыктывкарса Эжва район), Палева Виктория (Удора район), Игнатова Ольга (Кӧрткерӧс район), Семенчина Елена (Сыктывдін район), Растворова Мария (Печора районса Яранкуръя (Приуральскӧй) сикт), Тищенко Олеся (Сыктыв район), Володина Надежда (Койгорт район), Бабикова Софья (Изьва район).

IV-ӧд «Райда» конкурслӧн Гала-концерт муніс Фин-йӧгра этнокультура шӧринын (Сыктывдін районса Ыб сикт) ӧшым тӧлысь 2-ӧд лунӧ.

Вермысьяс

• I. «Райда» ним — Александра Макарова (Инта кар, чужлӧма Кӧрткерӧс районса Шойнаты сиктын)
• II. «Катшасин» ним — Светлана Логинова (Кулӧмдін районса Куж сикт)
• III. «Пӧлӧзнича» ним — Анастасия Артемьева (Сыктывкар)
• «Медся муса ныв» (видзӧдысьяссянь приз) — Анастасия Терентьева (Сосногорск)

Жури

Журиӧн веськӧдлысь — «Юрган» телеканалысь журналист Ӧльӧксан Пивкин.

Райда — 2014

Витӧд «Райда» конкурс кӧсйисны нуӧдны 2014 вося ӧшым тӧлысь 5-6-ӧд лунъясӧ Кулӧмдін сиктын, но сьӧм абутӧмла вуджӧдісны 2015 во вылӧ.

Вермасьӧм муніс 2015 вося урасьӧм тӧлысь 20—21-ӧд лунъясӧ. Кулӧмдінса культура керка сценаын Гала-концерт дырйи ловзьӧдісны Райда мича ныв йылысь важся висьталӧм: кыдзи сійӧс гусяліс Ягморт, а Туган аслас ёртъясыскӧд отсасисны-мездысисны.

Конкурс артмис 5 вермасьӧмысь: 4-ӧд петкӧдчӧмын налы колӧ вӧлі коми драматург Николай Дьяконовлӧн пьеса серти снимайтӧм «Свадьба с приданым» кинофильмысь юкӧн комиӧн висьтавны.

Вермасьӧмӧ пырӧдчис 8 ныв: Сыктывкарысь, Укваысь да Сосногорскысь, Кулӧмдін, Удора, Койгорт, Сыктыв да Сыктывдін районъясысь.

Вермысьяс

• I. «Райда» ним — Мария Юшкова (Кулӧмдін районса Куж сикт) да Анастасия Юдина (Уква кар)
• II. «Пӧлӧзнича» ним — Анна Котова (Сыктывдін район)
• III. «Катшасин» ним — Марина Роноева (Удора район)
• «Медся муса ныв» — Мария Юшкова (Кулӧмдін районса Куж сикт)

Та кындзи, мукӧд нывлы вӧлі сетӧма татшӧм нимъяс:

• «Шонді ныв» — Ксения Истомина (Сосногорск район).
• «Сьӧлӧмшӧр» — Ирина Туркина (Койгорт район).
• «Визув ёль» — Виктория Канева (Сыктывкар).
• «Шӧвктуг» — Людмила Гриценко (Сыктыв район).

Жури

Журиӧн веськӧдлысь — Надежда Русинова («Коми войтыр» ӧтмунӧмлӧн Кулӧмдін районса юкӧнын веськӧдлысьӧс вежысь)

Райда — 2017

Квайтӧд республикаса конкурс нуӧдӧма [[Сыктывкар]ын Коми республикаса войтырлӧн ёртасян керкаын ӧшым тӧлысь 1—2 лунъясӧ. Конкурс артмӧма нёль вермасьӧмысь: видеовизитка «Тані ме ола, тані ме кола», кужӧмлунъяса конкурс «Важыс да ӧніяся», «Вочакыв», «Карнан новлӧдлӧм».

Вермысьяслы юркытшъяс дасьтӧма Перым крайысь сюмӧдӧн вӧчасьысь Валентина Петухова. Медводдзаысь вынсьӧдӧма конкурслӧн логотип. Авторыс — модельер-конструктор Наталья Загуменнова.

Вермасьӧмӧ пырӧдчис 10 ныв: Зинаида Лодыгина (Мылдін районса Покча), Анна Махотина (Удора район), Александра Ногиева (Сосногорск), Мария Решетникова (Сыктывдін район Ыб сикт), Юлия Сычева (Сыктывкар, чужӧма Удора районса Буткан грездын), Варвара Чугаева (Койгорт районса Грива сикт).

Вермысьяс

• I. «Райда» ним — Анастасия Третьякова (Кулӧмдін сикт, чужлӧма Пожӧгдін грездын)
• II. «Катшасин» ним — Юлия Канева (Уква кар, чужлӧма Ускар каркытшса Денисов грездын)
• III. «Пӧлӧзнича» ним — Анастасия Казакова (Кӧрткерӧс сикт)
• «Медся муса ныв» (видзӧдысьяссянь приз) — Ирина Терентьева (Ямал-Яран асвеськӧдлан кытшса Салехард кар)
• Контактын ӧтуввез-конкурсын вермысь — Анна Махотина (Удора район). Ӧтуввезйын гӧлӧсуйтіс 11 сюрс сайӧ морт, на пиысь 1600 сайӧ гӧлӧс сетӧма А.Махотина вӧсна.

Жури

Искусствояс гимназияысь велӧдысь, «Ордым» театр-студияӧн веськӧдлысь Виктор Напалков (веськӧдлысь), Драма театрӧн веськӧдлысь М.Н. Матвеев, «Юрган» телеканалса журналист А.Г. Пивкин, Коми республикаса национальнӧй политика министрӧс вежысь В.В. Попов, «Коми войтыр» ӧтмунӧмса секретар А.Н. Рассыхаев.

Ӧшмӧсъяс

• [1] Артеев А. «Мича Райда» может стать «Звездой Севера» // «Молодежь Севера», 2006 во, ӧшым 21 лун, 51 № (рочӧн)
• Берестяная корона для Райды / В Сыктывкаре прошел II республиканский конкурс красоты среди представительниц коренного народа // «Республика» газет, 2008 во. 232 (3906) №, ӧшым тӧлысь 16-ӧд лун
• Конкурс красоты «Райда» (20.11.2010)
• IV Республиканский конкурс коми девушек «Райда-2012» пройдет в Финно-угорском этнопарке // «Финугор» сайт (26.11.2012) (рочӧн)
• Морохина Е. Мича «Райда» — интаса ныв // Йӧлӧга, 2012. ӧшым тӧлысь 7-ӧд лун, 49 №.