Ракин Анатолий Николаевич

Ракин Анатолий Николаевич
Чужан лун:	1949-ӧд вося лӧддза-номъя тӧлысь 18-ӧд лун(1949-06-18) (75 арӧс)
Чужанін:	Дереваннӧй, Кулӧмдін район, Коми Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз  Рочму
Мыйся уджыс:	филолог, гижысь, научный сотрудник

Ракин Анатолий Николаевич (1949) — коми кыв туялысь, филология наукаясса доктор (1997), гижысь

Олан туй

Анатолий Ракин чужӧма 1949 вося лӧддза-номъя тӧлысь 18 лунӧ Кулӧмдін районса Дереваннӧй сиктын. 1966 воын помалӧма Дереваннӧй сиктын шӧр школа, 1971 воын — Коми канмуса педагогика институт, 1976 воын — СССР-са наукаяс академияысь Кыв туялан институтын аспирантура. 1972—1973 воясӧ вӧлӧма военнӧй служба вылын. 1971 восянь уджалӧ Коми наука шӧринса Кыв, литература да история институтын (1988 воӧдз — СССР-са наукаяс академиялӧн Коми филиал): 1976 восянь — младшӧй научнӧй сотрудник, 1985 восянь — старшӧй научнӧй сотрудник. 1982—1985 воясӧ вӧлӧма Кыв, литература да история институтын учёнӧй секретарӧн, 1985—1987 воясӧ — кыв секторӧн веськӧдлысьӧн, 1987—1989 воясын — старшӧй научнӧй сотрудникӧн, 1997—2005 воясын — ведушӧй научнӧй сотрудникӧн, 2005 восянь — кыв секторын главнӧй научнӧй сотрудникӧн.

Туясян удж

1978 воын Тарту госуниверситетын (Эстония) дорйӧма «Лексика флоры коми языка» тема серти филология наукаясса кандидат ним вылӧ диссертация.

Доктор ним вылӧ диссертация (нимыс — «Антропотоминимическая лексика в пермских языках») дорйӧма 1997 Марий-Элса канму университетын.

2005 воын Анатолий Ракинӧс бӧрйисны фин-йӧгра туялысьяслӧн Россия комитетса веськӧдлысьӧн да фин-йӧгра туялысьяслӧн конгрессысь Войтыркостса комитетлӧн Исполкомӧ пырысьӧн.

Гижан удж

Кывбуръяс гижны А.Н. Ракин босьтчис школаын на. Пединститутын велӧдчигӧн ветлӧдліс студентъяслӧн литературно-творческӧй кружокӧ, вӧлі «Первопуток» литературнӧй стенгазеталӧн да студентъяслӧн «Запев» ки помысь журналлӧн редколлегиаын. Медводдза кывбурсӧ йӧзӧдліс 1968 воын. Гижӧдъясыс петавлісны «Войвыв кодзув» журналын, в Коми Республикаса «Югыд туй», «Красное знамя» газетъясын, Кулӧмдін районса «Ленин туйӧд» газетын, «Пармагор» ӧтувъя чукӧрын (1984).

«Вӧр-васа олысьяс» небӧгсӧ шуӧма Коми Республикаын 2017-ӧд воын комиӧн йӧзӧдӧм медбур небӧгӧн.

Небӧгъяс

А.Н. Ракин йӧзӧдӧма 350 сайӧ удж. Медшӧр небӧгъясыс:

• Ботаническая терминология коми языка. — Сыктывкар, 1981.
• Краткий коми-русский, русско-коми ботанический словарь. — Сыктывкар, 1989.
• Коми анатомический словарь. — Сыктывкар, 1991.
• Краткий коми-русский, русско-коми зоонимический словарь. — Сыктывкар, 1993.
• Антропотопонимическая лексика в пермских языках. — Сыктывкар, 1996.
• Пемӧс нимъяслӧн кувкуд. — Сыктывкар, 2001.
• Быдмӧг нимъяслӧн кывкуд. — Сыктывкар, 2006.
• Исследования по пермским языкам. — Сыктывкар, 2009.
• Коми кыв: учебное пособие. — Сыктывкар, 2011.
• Словарь терминов по биологии на коми языке для общеобразовательных школ. 2011.
• Ракин А.Н. Вӧр-васа олысьяс: научно-познавательнӧй очеркъяс. — Сыктывкар, 2017. — 240 л.б. (тираж — 890 экз.)

Наградаяс

• Коми комсомоллысь премиа босьтысь (1981)
• Коми Республикаса канму премиа босьтысь (1999)
• Коми Республикаса нимӧдана уджалысь (2005).
• «Айму водзын бур уджысь» орденлӧн II тшупӧда медаль (2010)

Ӧшмӧсъяс

• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — 212 с.
• Ракин Анатолий Николаевич
• «Коми кыв» сайт