Рассыхаев
Рассыхаев – коми йӧз пӧвстын тшӧкыда паныдасьлысь ов, Рассыхаевъясыс унаӧнӧсь Кулӧмдiн сиктын.
Тайö овыс Роч муысь локтöм мортлöн. 1678 воын Серёговын, сов вöчанiнын, аслас керкаын овлöма дорччысь (кузьнеч) «Иван Михайлов сын Рассыхаев», кодлöн вöлöма 12 арöса Якушка да 5 арöса Васька пиян. Гижалан небöгас пасйöма, мый сiйö воöма Совдорысь (рочӧн Соль Вычегодская).
Коми фольклор туялысь Плесовский Ф.В. "Комиын овъяс" небӧгын гижӧма, мый овыс артмöма «рассохнуть» роч кывйысь, вежöртасыс «косьмыны».
Эм и мукöд видзöдлас ов артмöм вылас. Рассыхаев овыс артмö роч «рассоха» кывйысь. Сылöн вежöртасыс – «вожа пу». Вермас лоны, ов новлöдлысьясыс вöлi вöчалöны быдсяматорсö вожöдöм пуясысь.
Öти вужъя овöн лоö Рассохин.
Нималана йöз
вежны- Рассыхаев Иван Степанович (1878, вӧльгым тӧлысь 16 лун, Кулӧмдiн – 1968, тӧвшӧр тӧлысь 16 лун, Кулӧмдiн) – коми гижысь.
- Рассыхаев Василий Николаевич (1922, моз тӧлысь 20 лун, Кулӧмдiн – 1990, вӧльгым тӧлысь 19 лун, Сыктывкар) – коми актёр, Коми АССР-са народнöй артист (1971).
- Рассыхаев Иван Егорович (1906, косму тӧлысь 6 лун, Кулӧмдiн – ?) – Коми АССР-са просвещение министр (1947-1951).
- Рассыхаев Денис Александрович (1981, Зеленеч) – В.Савин нима Драма театрын ворсысь.
Ӧшмӧсъяс
вежны- Плесовский Ф.В. Комиын овъяс / Сост. И.Л. Жеребцов. – Сыктывкар, 1997. – 141 с.