Рассыхаев Василий Николаевич

Рассыхаев Василий Николаевич
Чужан лун:	1922-ӧд вося моз тӧлысь 20-ӧд лун(1922-08-20)
Чужанін:	Кулӧмдін, Коми Республика, РСФСР[d] Кулӧмдін уезд, Коми (Зыряна) асвеськӧдлан обласьт, РСФСР[d]
Кулан кад:	1990-ӧд вося вӧльгым тӧлысь 19-ӧд лун(1990-11-19) (68 арӧс)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз
Мыйся уджыс:	актёр, гижысь

Файл:Рассыхаев В.Н. 4.jpg

Рассыхаев Василий Николаевич (1922–1990) – коми актёр да гижысь, Коми АССР-са народнöй артист (1971)

Файл:Рассыхаев В.Н. 2.jpg

Коми гижысь Егор Рочевлӧн «Сöстöм ёльяс», ворсöны Василий Рассыхаев да Михаил Красильников

Файл:Рассыхаев В.Н. 3.jpg

Рассыхаев Василий Николаевич (1922–1990) – коми актёр

Рассыхаев Василий Николаевич (комиӧн — Микол Вась) (1922—1990) — коми актёр да гижысь-драматург, Коми АССР-са нимйӧза артист.

Олан туй

Василий Рассыхаев чужӧма Кулӧмдiн сиктын 1922-ӧд вося моз тӧлысь 20-ӧд лунӧ. Мӧдлаын пасйӧма, мый сійӧ чужӧма рака тӧлысь 18-ӧд лунӧ.

1939-ӧд воын шӧр школа помалӧм бӧрын мунӧма велӧдчыны Москваӧ А. В. Луначарскӧй нима театральнӧй институтӧ (ГИТИС), кӧні 1942-ӧд воын помалӧма Коми студия да пырӧма уджавны Коми Республикаса Драма театрӧ. 1950–1955-ӧд воясӧ уджысь орӧдчытӧг помалӧма Коми канмуса педагогика институтысь история-филология факультет.

Кулӧма 1990-ӧд вося вӧльгым тӧлысь 19-ӧд лунӧ Сыктывкарын.

Рольяс

Коми республикаса драма театрын уджалігӧн ворсӧма кыксё сайӧ спектакльын.

В. Н. Рассыхаев лӧсьӧдӧма татшӧм коми сатираа пертасъяс, кыдзи:

• Зезегов (Геннадий Юшковлӧн «Кыськӧ тай эмӧсь», 1971)
• Чушкан (Василий Лекановлӧн «Олӧм бужӧдъяс», 1969)
• Зинон Фёдорович (Гений Горчаковлӧн «Тундраса кӧин», 1977)

В.Н. Рассыхаевлӧн творчествоыс пуктіс ыджыд пай коми национальнӧй ворсан искусство сӧвмӧдӧмӧ.

Василий Рассыхаев ворсіс сідзжӧ татшӧм рольяс:

• Сергей Гуляев (Николай Дьяконовлӧн да Степан Ермолинлöн «Домна Каликова», 1943)
• Петя Соколов (Степан Ермолинлӧн «Молодые патриоты», 1946)
• Соснин (Геннадий Фёдоровлӧн «В предгорьях Тимана», 1948)
• Паратов (Александр Островскийлӧн «Бесприданница», 1953)
• Ипполит (Николай Погодинлӧн «Третья патетическая», 1959)
• Попов (И.И. Потолицынлӧн «Это было в Сыктывкаре», 1967)
• Герасим (Дмитрий Зоринлӧн «Вечный источник», 1970) да мукӧд.

Гижан удж

В. Н. Рассыхаев вуджӧдӧма некымын роч пьеса. Ачыс гижӧма дас сайӧ дженьыдик пьеса да кык висьт, кодъяс петавлісны «Войвыв кодзув» журналын. Йӧзӧдіс татшӧм пьесаяс: «Пятёрка» (1951), «Зарни пи» (1956), «Андрей воштӧ другъяссӧ» (1958), «Митя мунӧ Москваӧ» (1959), «Гожся лунъясӧ» (1960), «Пӧръячка» (1962), «Чужан сиктӧ» (1966) «Овлӧ и тадзи» (1970), «Ловъя юрӧн мынтӧмтор» (1973), «Медбӧръя лун» (1980), «Рекорд» (1988). Йӧзӧдлӧма «Кык пьеса» небӧг (1962), кытчӧ пырисны «Митя мунӧ Москваӧ» да «Пӧръячка» пьесаяс.

Небӧгъяс

• Рассыхаев В. Кык пьеса. — Сыктывкар: Коми книжнӧй издательство, 1962. — 28 л.б.

Ошканпасъяс

• Коми АССР-са нимйӧза артист ним (1971)

Ӧшмӧсъяс

• Василий Рассыхаев: редакторлӧн кыв // Войвыв кодзув. 1982. — 2 №. — Л.б. 17.
• Василий Николаевич Рассыхаев: кувсьӧм йылысь юӧр // Войвыв кодзув. 1990. — 12 №. — Л.б. 71.
• Клейн А. Рассыхаев В. Н. // Энциклопедия Республики Коми. — Сыктывкар, 1998. — Т. 2.
• Рассыхаев Василий Николаевич (1922—1990) // Призвание — театр: [биографии актёров, деятелей сценического искусства, история коми национального драматического театра / Сост. и гл. ред. М. А. Удоратина]. — Сыктывкар, 2010. — С. 60—61