Тувсов Микӧла

Тувсов Микӧла (рочӧн Никола Вешний) — коми йӧзкостса календарын тӧдчана лун, подуласьӧ православнӧй вичкоса гаж вылӧ, кодӧс пасйӧны ода-кора тӧлысь 22-ӧд лунӧ.

Тувсов Микӧла — сура лун Помӧсдiнын, Ношульын, Ыджыдвиддзын. Помӧсдiнын медводдза лунсӧ пасйӧны сиктас, мӧдсӧ да коймӧдсӧ — Сордйыв да Выльгорт грездъясын. Ношульын Тувсов Микӧласӧ празничайтӧны Грездын, Даньгрездын, Погостын, Ёльдорын да Райын. Кор йӧзыс локтӧны гӧститны, чолӧмасьӧны керкаас: «Здраствуй, Микӧла милӧстливӧй!»

Микӧла лунӧ Ношульын поп вӧлі ветлӧ вичкосянь часовняӧ. Ӧти кыр вывсянь мӧдӧдз шыблалӧны [[ньыв] лыска туй, а ӧтар-мӧдар бокас сулалӧны йӧз. Поп мунӧ лыска туй кузя, бӧрсяньыс мужичӧйяс нуӧны борда Ен. Кор дыр кад чӧж оз зэр, йӧзыс локтӧны часовня дорас Енъясӧн да корӧны зэр: «Микӧла милӧстливӧй, вай зэр!»

Тувсов Микӧласянь босьтчӧны гӧрны да кӧдзны. Та вӧсна лунсö нӧшта шуӧны «Бӧрӧзда лунӧн».

Йӧзыс эскӧдӧны, мый Микӧла Ен пӧ шулӧма: «Микӧлаӧдз тырмӧдӧй турунтӧ, а ме пӧ сэсся кӧть тошкӧн, а верда скӧттӧ!»


Приметаяс:Править

  • Зэрас кӧ, поводдяыс лоӧ зэра.
  • Ёгорей ваа, Микӧла туруна.

ӦшмӧсъясПравить

  • Коми календар. 2009 во / Лӧсьӧдіс Ӧльӧш Рассыхаев. — Сыктывкар, 2008.