Фёдорова Анна Николаевна
| Фёдорова Анна Николаевна | |
| Чужан лун: | |
|---|---|
| Чужанін: |
|
| Кулан кад: |
1974-ӧд вося вӧльгым тӧлысь 2-ӧд лун (62 арӧс) |
| Канму: | |
| Мыйся уджыс: | |
Фёдорова Анна Николаевна (1912—1974) — коми литература туялысь, филология наукаясса кандидат.
Олан туй Править
Анна Фёдорова чужӧма 1912-ӧд вося тӧвшӧр тӧлысь 22-ӧд (важ стиль серти) / урасьӧм тӧлысь 4-ӧд лунӧ Вӧлӧгда губерняысь Усть-Сысольск уездса Висер вӧлӧсьт улӧ пырысь Типӧсиктын (ӧні — Коми Республикаса Кӧрткерӧс район)[2] Мукӧдлаас сорсьӧмӧн гижӧма, мый чужӧма Сыктывкарбердса Кӧджпон грездын (либӧ Висер сиктын).
Батьыс — Николай Викентьевич Холопов, чужлӧма Кӧджпомын — архитектор да серпасалысь А. В. Холоповлӧн вок. Н.В. Холопов велӧдӧма Типӧсиктын, кӧні и тӧдмасьӧма Мария Феоктистовна Габовакӧд.
Помалӧма Сыктывкарса педагогика училишӧ (1932), Коми канмуса педагогика институтысь кыв да литература факультет (1936) да велӧдысьяслысь куръяс.
Уджалӧма начальнӧй классъяс велӧдысьӧн Луздор районса Лойма школаын (1936—1937), Вӧр техникумын (1938—1939), Коми туялан институтын, Сыктывкарса педучилишӧын (1939—1944) да пединститутын (1944—1945). 1946—1949 воясӧ аспиранталӧма СССР-са наукаяс академиялӧн Стармирса литература институтын. 1950-ӧд восянь 1968-ӧд воӧдз (пенсия вылӧ петтӧдз) туясьӧма кыв да литература юкӧдын.
Кулӧма 1974-ӧд вося вӧльгым тӧлысь 2-ӧд лунӧ.
Туясян удж Править
1950-ӧд воын дорйӧма И.А. Куратов олӧм да гижӧдъяс серти диссертация. Уна вося туялӧмлы кывкӧртӧдӧн лоӧма «И.А. Куратов. Очерк жизни и творчества» монография (1960); содталӧмӧн уджыс мӧдысь петӧма 1975 воын. Анна Николаевна гижӧма водзкывъяс Иван Куратовлӧн небӧгъяс дорӧ, мый йӧзӧдӧма рочӧн Москваын (1958, 1975). Мукӧдыскӧд ӧтвылысь гижӧма да йӧзӧдӧма «Очерки истории коми литературы» (1959) да «Коми советские писатели» (1966) небӧгъяс.
Кыдзи литературнӧй критик медводдзаяс лыдын донъялӧма Луздор Вась, Митрук Як, Николай Поповлысь (Жугыль) Александр Лыюровлысь, Нина Куратовалысь гижӧдъяссӧ.
Мукӧдтор Править
Верӧсыс — нималана коми гижысь Педь Гень. Гӧтырыслӧн кулӧм бӧрас сетӧма И.А. Куратовлӧн литературнӧй музейӧ туялысьлысь архивсӧ (250 сайӧ кипомысь дасьтӧм удж).
Небӧгъяс Править
- Фёдорова А.Н. И.А. Куратов: Очерк жизни и творчества. — Сыктывкар: Коми кн. изд-во, 1960. — 152 с.
- Очерки истории коми литературы. 1959.
- Коми советские писатели. 1966.
- Фёдорова А.Н. Куратов И. А.: очерк жизни и творчества. — Сыктывкар: Коми кн. изд-во, 1975. — 192 с.
- Куратов И. А. Избранное: [стихотворения, поэмы]: перевод с коми языка / Послесловие А. Федоровой; сост.: И. М. Вавилин, П. Г. Доронин, Д. В. Конюхов. — Москва: Гослитиздат, 1958. — 206, [2] с.
Öшмöсъяc Править
- Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. — Сыктывкар, 2000. — 212 с.
- 'Лисовская Г. К. Анна Николаевна Фёдорова // Писатели Коми: биобиблиографический словарь. — Сыктывкар, 2001. — Т. 2. — С. 379—382.
- Мартынов В. И. Авъя учёнӧй да критик // Войвыв кодзув. 1983. — 1 №. — Л.б. 53—54.
- Ванеев А.Е. Памяти Анны Николаевны Фёдоровой // Куратовские чтения. — Сыктывкар, 1976. — Т. 2. — С. 118—121.
- Мартынов В. И. Федорова Анна Николаевна // Республика Коми: Энциклопедия: в 3-х т. — Сыктывкар: Коми кн. изд-во, 2000. — С. 240—241.
- Лисовская Г. К. Анна Николаевна Федорова // Писатели Коми: биобиблиогр. словарь: в 2 т. — Сыктывкар, 2022. — Т. 2 : М—Я. — С. 648—650.
Ыстӧдъяс Править
- ↑ http://history.syktnet.ru/04/1901_2000/1912/1912_01.html
- ↑ Мартынов В. И. Федорова Анна Николаевна // Республика Коми: Энциклопедия: в 3-х т. — Сыктывкар: Коми кн. изд-во, 2000. — С. 240.