Юхнин Евгений Иванович

Юхнин Евгений Иванович
Чужан лун:	1912-ӧд вося урасьӧм тӧлысь 19-ӧд лун(1912-02-19)
Чужанін:	Спасорд, Усть-Сысольск уезд, Вӧлӧгда губерния, Россияса империя
Кулан кад:	1999-ӧд вося рака тӧлысь 7-ӧд лун(1999-03-07) (87 арӧс)
Куланін:	Петыркар, Рочму
Канму:	Россияса империя  Сӧветскӧй Социалистическӧй Республикаяслӧн Союз  Рочму
Мыйся уджыс:	учёный
Ошканпасъяс да премияяс:

Юхнин Евгений Иванович (1912—1999) — Социалистическӧй Уджвывса герой, конструктор, боевӧй карабъяс вӧчысь.

Олан туй

Евгений Юхнин чужӧма 1912-ӧд вося урасьӧм тӧлысь 19-ӧд лунӧ Вӧлӧгда губерняысь Усть-Сысольск уездса Спаспоруб сик улӧ пырысь Шиловскӧй грездын (ӧні Луздор районын).

14 арӧссянь уджалӧма юнгаӧн, сэсся матросӧн, боцманӧн, капитанлӧн коймӧд отсасьысьӧн. Ӧтпырйӧ велӧдчӧма Югдінын судостроительнӧй техникумын. 1936-ӧд воын помалӧма Ленинградса кораблестроительнӧй институтысь кораблестроительнӧй факультет.

Андре Марти нима заводлӧн Конструктор бюроын отделса конструктор, секторса да отделса начальник.

1943-ӧд воын Е. И. Юхнинӧс вӧлі мӧдӧдӧма Тюменьӧ, кӧні веськӧдлӧма конструктор бюроӧн № 63/8-ӧд номера судостроительнӧй заводын Сосновка посёлокын. Пуктӧма ыджыд пай торпедаяса катеръяс лэдзӧмӧ, кодӧс вӧчисны специалистъяс, кодъясӧс эвакуируйтісны Ленинградысь, Феодосияысь да Херсонаысь (А. Марти нима заводлӧн 17-ӧд цех, 5 №-а цех) катер вӧчан заводъясысь.

Кулӧма Вежа Петыркарын 1999-ӧд вося рака тӧлысь 7-ӧд лунӧ. Гуалӧма Серафим шойнаын.

Вӧчӧмторъяс

Е. И Юхнин веськӧдлӧм улын вӧлі нуӧдӧма опытно-конструкторскӧй уджъяс выль сикас корабъяс вӧчӧм серти — катер-ракетоносецъяс (техническӧй проект 183Э, кык ракетаа П-15 (1954-ӧд восянь).

Ошканпасъяс

• Социалистическӧй Уджвывса Герой (1983)
• Ленин орден (кыкысь)
• Октябрьскӧй Революция орден
• Ленин премия (1962)
• Россия канму премия (1997)
• Россияса Веськӧдлан котырлӧн премия наука да техника юкӧнын (1998)
• медальяс