Открыть главное меню

Шаблон:Серпасыс абу

Артеева Агафья Тимофеевна
Чужан лун:

1918-ӧд вося рака 28-ӧд лун(1918-03-28)

Чужанін:
Кулан кад:

1996

Куланін:
Канму:
Ошканпасъяс да премияяс:
Ленин орден 1941–1945 воясӧ Айму вӧсна Ыджыд тышын бур уджысь юбилейная медаль «50 лет Победы в Великой Отечественной войне 1941—1945 гг.»

Артеева Агафья Тимофеевна (19181996) — нималана коми вӧралысь, Ленин орден новлӧдлысь.

Олан туйПравить

Агафья Артеева чужӧма 1918 вося рака тӧлысь 28-ӧд лунӧ Кардор губерняысь Изьва-Печора уездса Мокчойын (ӧні Изьва районса Мокчой сикт) кӧр видзысь семьяын. Бать-мамыскӧд 1930-ӧд воясӧ овмӧдчӧма Каратайка посёлокӧ, кодӧс сӧмын на вӧлі кыпӧдӧны. 1939 восянь уджалӧма К.Е. Ворошилов нима колхозын.

Агафьялӧн верӧсыс вӧлӧма вӧралысьӧн. Кор сылы вӧлӧма 23 арӧс, верӧсыс вӧйӧма «Комсомолец» буксир экипажкӧд ӧтвылысь. Агафья босьтчӧма вӧравны, сійӧс велӧдӧма Василий Иванович Филиппов.

А.Т. Артеева вӧралӧма тундраын нелямын вит во — 1942-сянь 1987 воӧдз. Кыйдӧссӧ сдайтӧма канмулы. 1947 восянь 1957 воӧдз вӧлӧма вӧралысьяс пӧвстын ставсоюзса социалистическӧй соревнованньӧын вермысьӧн.

Куимысь ветлӧма ВДНХ вылӧ. 1956 воын сійӧс вӧлі бӧрйӧма Юшар сиктсӧветса депутатӧн.

Бур уджысь сылы сетӧма уна аттьӧалана гижӧд, ружйӧ (премиа пыдди), «1941–1945 воясса Айму вӧсна Ыджыд тышын бур уджысь» медаль да «1941–1945 воясса Айму вӧсна Ыджыд тышын Вермӧмсянь 50 во» казьтылана медаль. Вӧралӧмын ыджыд вермӧмъяс шедӧдӧмысь 1971 воын наградитӧма Ленин орденӧн.

Кулӧма 1996 воын Яран асвеськӧдлан кытшса Каратайка посёлокын.

НаградаясПравить

ӦшмӧсъясПравить

ЫстӧдъясПравить