Морозов Иван Павлович

Морозов Иван Павлович
Чужан лун:	1924-ӧд вося кӧч тӧлысь 30-ӧд лун(1924-09-30)
Чужанін:	Межадор (Сыктыв район), Сыктыв район, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Кулан кад:	1987-ӧд вося косму тӧлысь 26-ӧд лун(1987-04-26) (62 арӧс)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз
Мыйся уджыс:	политик
Ошканпасъяс да премияяс:

Морозов Иван Павлович (1924—1987) — канму тэчасын да ютырын уджалысь, КПСС-са Коми обкомын медводдза секретар (1965—1987). Национальносьт серти коми.

Олан туй

Иван Морозов чужӧма 1924-ӧд вося кӧч тӧлысь 30-ӧд лунӧ Коми (Зыряна) асвеськӧдлан обласьтын Усть-Сысольск уездса Межадор вӧлӧсьтын (ӧні — Сыктыв районса Межадор сикт). Помалӧма Сыктывкарса медучилишӧ (1942), Коми АССР-са партийнӧй школа (1945), КПСС-лӧн Шӧр комитет бердса Вылыс партийнӧй школа (1960).

1942—1944-ӧд воясӧ Айму вӧсна Ыджыд тыш вылын.

Уджалӧма фельдшерӧн Рытыв-Печора кӧрт туй вылын. 1945-ӧд восянь Сыктыв районса ВКП(б) комитетын инструктор да ВЛКСМ-са медводдза секретар. 1948-ӧд восянь комсомоллӧн Коми обкомын юкӧнӧн веськӧдлысь, ВКП(б)-лӧн Коми обкомын инструктор.

1951-ӧд восянь веськӧдлӧма ВКП(б)-лӧн Вӧркута карса комитетын орготделӧн, 1953-ӧд восянь — Воркута карса депутат сӧветын Исполкомӧн веськӧдлысь.

Кулӧма 1987-ӧд вося косму тӧлысь 26-ӧд лунӧ Сыктывкарын. Гулаӧма Шӧр шойнаын.

Ошканпасъяс

• куим Ленин орден (1966, 1971, 1984)
• Уджвывса Гӧрд Дӧрапас орден (1973)
• Октябрса революциа орден (1981)
• «Почёт пас» орден (1948)
• Айму Тышлӧн I тшупӧда орден (1985)
• «Народная Республика Болгария» I тшупӧда орденӧн (1976)
• Коми АССР-са народнӧй овмӧсын нимӧдана уджалысь

Паметь

• И.П. Морозов нимӧн шуӧма Сыктывкарын улича.

Ӧшмӧсъяс

• Захаров В. Морозов Иван Павлович // Республика Коми: Энциклопедия: в 3-х т. — Сыктывкар, 1999. — Т. 2. — С. 297.