Подорова Агния Ивановна

Подорова Агния Ивановна
	Подорова Агния Ивановна
Чужан лун:	1901-ӧд вося тӧвшӧр тӧлысь 21-ӧд лун
Чужанін:	Куж, Кулӧмдін район, Коми Республика, РСФСР[d]; Усть-Сысольск уезд, Вӧлӧгда губерния, Россияса империя[d];
Кулан кад:	1972-ӧд вося рака тӧлысь 22-ӧд лун (71 ар)
Мыйся уджыс:	школьная учительница, преподаватель, министр образования, директор, директор, филолог

Шаблон:Серпасыс абу

Подорова Агния Ивановна (1901—1972) — коми кыв туялысь, педагог.

Олан туй

Агния Подорова чужӧма Вӧлӧгда губерняын Усть-Сысольск уездса Куж грездын — (ӧні Кулӧмдін районса Куж сикт) 1901-ӧд вося тӧвшӧр тӧлысь 8 (21) лунӧ. 1920-ӧд воын помалӧма Югдінын педагогикаысь дженьыд курсъяс да воӧма Кулӧмдінӧ веськӧдлыны челядь видзанінӧн. 1921—1924 воясын инструкторалӧма Кулӧмдін уездса РКП(б) комитетын, веськӧдлӧма женотделӧн. Велӧдӧма начальнӧй классъясын Аквадын, Княжпогостын да Туръяын.

1930-ӧд вося арнас сійӧс мӧдӧдӧмаӧсь велӧдчыны Москваӧ Н.К. Крупская нима коммунист ногӧн челядьӧс быдтыны велӧдан педагогика академияӧ, кӧні велӧдчӧма 1932-ӧд вося вӧльгым тӧлысьӧдз. 1932—1936 воясын велӧдӧма коми да роч кывъяс Емдінса да Сыктывкарса педагогика техникумъясын. 1936—1939 воясын велӧдчӧма Коми канмуса педагогика институтысь кыв да литература пакультетын, но помалӧма уджысь орӧдчытӧг сӧмын 1947-ӧд воын.

1939-ӧд вося тӧвшӧр тӧлысьын сійӧс индӧмаӧсь ВКП(б) Коми обкомӧ школаяс юкӧнса веськӧдлысьӧн. Регыд мысти сійӧс пуктӧмаӧсь Коми АССР-са просвещение наркомӧн. 1943-ӧд восянь А.И. Подорова веськӧдлӧма Коми туялан институтӧн, но Коми АССР-ын СССР-са наукаяс академиялысь туясян база лӧсьӧдӧм бӧрын 1944-ӧд воын сійӧс индӧны веськӧдлыны Коми филиаллӧн кыв, письменносьт да история секторӧн. 1947 восянь и 1956 воӧдз, пенсия вылӧ петтӧдзыс, тайӧ секторас уджалӧма младшӧй научнӧй сотрудникӧн.

Кулӧма Сыктывкарын 1972-ӧд вося рака тӧлысь 22-ӧд лунӧ.

Туялан удж

А.И. Подорова 1954-ӧд воын дорйӧма филологияса кандидат ним вылӧ диссертация, нимыс — «Коми кывйын кывтор».

Сылӧн веськӧдлӧм улын вӧлі дасьтӧма нормаа кывкудъяс: «Коми-русский словарь» (1948), «Коми орфографический словарь» (1953).

Зільӧма коми кыв гижанноглы нормаяс дасьтӧмын. Гижӧма «Современный коми язык» (1955) велӧдан небӧгӧ «Кывтор» да «Кывйитӧд» юкӧнъяс.

Небӧгъяс

Коми-русский словарь. 1948
Коми орфографический словарь. 1953

Ӧшмӧсъяс

Туркин А. И. Подорова Агния Ивановна // Коми язык. Энциклопедия / Отв. ред. Г. В. Федюнева. — М.: Издательство ДиК, 1998. — С. 360—361.

Ыстӧдъяс

↑ ^1,0 ^1,1 ^1,2 ^1,3 ^1,4 ^1,5 https://sites.google.com/site/popovva2013kgpi/home/o-sedakove-n-i

[_572f654576753310-1] 1,0 ^1,1 ^1,2 ^1,3 ^1,4 ^1,5 https://sites.google.com/site/popovva2013kgpi/home/o-sedakove-n-i

[1]

Подорова Агния Ивановна
Чужан лун:	1901-ӧд вося тӧвшӧр тӧлысь 21-ӧд лун(1901-01-21)^[1]
Чужанін:	Куж, Кулӧмдін район, Коми Республика, РСФСР^[d]^[1] Усть-Сысольск уезд, Вӧлӧгда губерния, Россияса империя^[d]^[1]
Кулан кад:	1972-ӧд вося рака тӧлысь 22-ӧд лун(1972-03-22)^[1] (71 ар)
Мыйся уджыс:	школьная учительница, преподаватель, министр образования, директор, директор, филолог