Рочев Егор Васильевич

Рочев Егор Васильевич
	Рочев Егор Васильевич
Чужан лун:	1937-ӧд вося ода-кора тӧлысь 7-ӧд лун
Чужанін:	Ыджыд тундра[d]; РСФСР[d], Сӧветскӧй Социалистическӧй Республикаяслӧн Союз;
Кулан кад:	2012-ӧд вося йирым тӧлысь 9-ӧд лун (75 арӧс)
Куланін:	Сыктывкар, Рочму;
Канму:	Сӧветскӧй Социалистическӧй Республикаяслӧн Союз; Рочму;
Мыйся уджыс:	гижысь

Шаблон:Серпасыс абу

Рочев Егор Васильевич (1937—2012) — тӧдчана коми гижысь.

Олан туй вежны

1937, ода-кора тӧлысь 7 лун — чужис Ыджыд тундраын кӧр видзысьяслӧн семьяын.
Усвавомын помаліс 8 класс.
Пырис уджавны Укваса механическӧй заводӧ, водзӧ велӧдчис рытъя школаын.
1956 – муніс служитны армияӧ.
Армияысь локтӧм бӧрын бӧр локтіс заводас, велӧдчис рытъя школаын: босьтіс кӧрт кузя строгальщик, плотник, бетонщик-строитель, электрик, кровельщиклысь специальносьтъяс. Та кадӧ босьтчис гижны.
1964—1971 — уджысь орӧдчытӧг велӧдчис А.М. Горький нима литературнӧй институтын. Та кадӧ жӧ журналисталіс «Югыд туй» газетын, телевидениеын.
1977—1993 – уджаліс «Войвыв кодзув» журналын, вӧлі медшӧр редакторӧн.
1993 – петіс пенсия вылӧ.
2012, йирым тӧлысь 9 лун — кувсис Сыктывкарын дыр висьӧм бӧрын.^[2],^[3] Гуалӧма Гӧрд Затонса шойнаӧ йирым тӧлысь 12 лунӧ.

Гижан удж вежны

Гижысь тӧдса кыдзи прозаик. Медводдза кывбуръяс да висьтъяс петісны «Войвыв кодзув» журналын 1962 воын. Аслыспӧлӧс гижан сям Егор Рочев петкӧдліс «Аддзысьӧм» (1965) да «Тер Мишлӧн висьтасьӧм» (1986) повесьтъясын, «Аслыспӧлӧс шыяс» висьтын (1971).

Егор Рочевлӧн гижӧдъясын шӧр темаыс – тундра, кӧр видзӧм, налӧн олӧмыс да уджыс. Кӧр видзысьлӧн пи Лёва йылысь висьтъяс сикӧтш петкӧдліс, мый гижысь кужӧ гижны ичӧт арлыда челядьлы. Егор Рочев ёна нималіс «Ичӧт Митрук да Ыджыд тундра» повесьтӧн, коді петіс 1970-ӧд воясӧ «Детская литература» небӧг лэдзанінын. Повесьт вӧлі вуджӧдӧма роч, украин, удмурт, молдав, эст да венгер кывъяс вылӧ.

Сылӧн «Батьлӧн ордым» повесьт (1969) сідзжӧ вӧлі сиӧма тундраса йӧзлы. Повесьт вӧлі вуджӧдӧма роч кыв вылӧ «Добрая тундра» ним улын. Ыджыдджык нималӧм лои «Лӧз тундра» дилогия петӧм бӧрын.

«Сьӧлӧмын вурыс» повесьт (1974), коді петіс рочӧн «За каждый свой шаг...» ним улын (1979), висьталӧ Сыктывкарса вӧр комплекс кыпӧдысьяс йылысь.

Небӧгъяс вежны

Егор Рочевлӧн ставнас йӧзӧдӧма 18 небӧг.

Комиӧн вежны

Батьлӧн ордым. Сыктывкар, 1971.
Лёва. Сыктывкар, 1972.
Сьӧлӧмын вурыс. 1976
Лöз тундра. 1980
Менурей. Сыктывкар, 1983
Митрук петӧ тундраысь. 1987
Морт туй. 1991.
Кузь вӧт: повесьтъяс, висьтъяс, новеллаяс / Серпасаліс А.В. Мошев; редактор А.В. Тентюков. – Сыктывкар: Коми кн. изд-во, 1998. – 240 л.б.
Кӧрысь тэрыбджык: повесьт / Серпасаліс А. Попова; редактор А.В. Ульянов. – Сыктывкар: Эскӧм, 2007. – 112 л.б.

Роч кыв вылӧ вуджӧдӧмӧн вежны

За каждый свой шаг... . Сыктывкар, 1979.
Добрая тундра. 1974.
Менурей: повести / Пер. с коми С. Панкратова, А. Шихова. – Сыктывкар: Коми кн. изд-во, 1983. – 302 с.
Бегут, бегут олени. 1989.

Наградаяс вежны

1977 — Россияса гижысь котырӧ пырысь.
Коми Республикаын нимӧдана уджалысь.
Коми АССР-са Вылыс Сӧветлӧн Почёт грамота.

Ӧшмӧсъяс вежны

http://history-x.ru/03/16/049.htm
https://web.archive.org/web/20160304142725/http://nbrkomi.ru/page/2767/
http://pechora-cbs.ru/rochev-egor-vasilevich
Одинцов А. Мортсö быдтiс тундра: воспоминания // Войвыв кодзув, 2007. № 5. Л. б. 61-64.
Латышева В.А. У реки, у леса: (заметки о детской прозе коми) // Классики и современники: ст. о лит. Сыктывкар, 2005. С. 40-41.

Ыстӧдъяс вежны

[_c5fffd658abf953c-1] 1,0 ^1,1 ^1,2 ^1,3 http://foto11.com/komi/writer/erochev.php

[2] Умер коми писатель Егор Рочев

[3] Скончался известный коми писатель

[1]

[2]

[3]

Рочев Егор Васильевич
Чужан лун:	1937-ӧд вося ода-кора тӧлысь 7-ӧд лун(1937-05-07)^[1]
Чужанін:	Ыджыд тундра^[d]^[1] РСФСР^[d], Сӧветскӧй Социалистическӧй Республикаяслӧн Союз
Кулан кад:	2012-ӧд вося йирым тӧлысь 9-ӧд лун(2012-10-09)^[1] (75 арӧс)
Куланін:	Сыктывкар, Рочму
Канму:	Сӧветскӧй Социалистическӧй Республикаяслӧн Союз Рочму
Мыйся уджыс:	гижысь