Раевский Степан Семёнович

коми гижысь

Шаблон:Серпасыс абу

Раевский Степан Семёнович
Чужан лун:

1918-ӧд вося косму тӧлысь 21-ӧд лун(1918-04-21)

Чужанін:
Кулан кад:

1996-ӧд вося лӧддза-номъя тӧлысь 29-ӧд лун(1996-06-29) (78 арӧс)

Канму:
Ошканпасъяс да премияяс:
орден Отечественной войны I степени орден Отечественной войны I степени орден Отечественной войны II степени Почёт орден заслуженный работник культуры РСФСР

Раевский Степан Семёнович (19181996) — челядьлы коми гижысь, вуджӧдчысь.

Олан туй вежны

Степан Раевский чужӧма Вӧлӧгда губерняын Яренск уездса (ӧні — Сыктыв районса) Межадор сиктын 1918-ӧд вося косму тӧлысь 21-ӧд лунӧ. Батьыс — Семён Дмитриевич, Зӧтьӧ рӧдысь. Кӧкъямыс арӧсӧн пырӧма велӧдчыны. Велӧдысьнас вӧлӧма Иван Васильевич Жеребцов, коді волӧма Усть-Сысольскысь (гӧтырыс межадорса)[1]. Визин сиктын сизим класс помалӧм бӧрын 10 тӧлысь велӧдчӧма курсъяс вылын да мӧдӧдчӧма босьтны вылыс тшупӧда тӧдӧмлун.

1938-ӧд воын помалӧма Коми канмуса педагогика институтысь история-филология факультет. Распределение серти уджалӧма Изьва районысь Мокчойса шӧр школаын роч кыв да литература велӧдысьӧн. Регыд мысти сійӧс босьтӧмаӧсь армияӧ, видзӧма рытыввыв граница.

Тышкасьӧма Айму вӧсна Ыджыд тышын медводдза лунсяньыс. Полкыс веськалӧма немеч кытшӧ, кытысь петӧмаӧсь сӧмын моз тӧлысь 2-ӧд лунӧ. Недыр мысти Ржев кар дорын ранитчӧма, бурдӧдчӧма Тейковоса госпитальын. Сы бӧрын тышкасьӧма Степнӧй фронтын да Курск мегырын. Сылӧн веськӧдлӧм улын батареяыс сулалӧма немечьяслы паныд Прохоровка дорын. Тайӧ тышас С.С. Раевский ёна ранитчӧма морӧсас. Бурдӧдчӧм бӧрас веськалӧма Карел фронтӧ, кӧні Титовка ю вуджӧмысь сылы сетӧмаӧсь Айму вӧсна Ыджыд тышса II тшупӧда орден.

Сэсся Степан Раевский тышкасьӧма Беларусь фронтын, кӧні том лейтенантӧс пасйӧмаӧсь Айму вӧсна Ыджыд тышса I тшупӧда орденӧн. Награда листас гижӧма, мый сылӧн веськӧдлӧм улын батареяыс бырӧдӧма 2 пушка, 14 пулемёт, 4 танк, 100 салдат да опицерӧс. Ветымын куим во абу висьтавлӧма матыссаясыслы, мый сьӧлӧм бердас новлӧдлӧма пуля.

Война бӧрын вӧлӧма ВКП(б)-са Коми обкомын инструкторӧн. 1949-ӧд воын локтӧма Коми небӧг лэдзанінӧ редакторӧн. Регыдъя кадӧн лома медшӧр редакторӧн, а 1958-ӧд восянь — директорӧн. Пенсия вылӧ петӧм бӧрас овмӧдчӧма Межадорӧ бать керкаас.

Степан Раевский кулӧма 1996-ӧд вося лӧддза-номъя тӧлысь 29-ӧд лунӧ.

Гижан удж вежны

С. Раевский гижӧма новеллаяс, кодъясӧс вӧлі йӧзӧдӧма комиӧн торйӧн «Шоныд войвыв» небӧгын (1988), а сэсся рочӧн «Тёплый Север» ним улын (1971).

Гижысь отсасьӧма том редакторъяслы да авторъяслы, сёрнитӧма коми челядь литература да художественнӧй вуджӧдӧм йылысь чукӧртчӧмъяс вылын.

Уна гижӧдын шӧр геройнас вӧлӧма Юля внучкаыс.

Йӧзӧдӧма коми школаса ичӧт классъяслы учебникъяс. Медтӧдчана на пиын вӧлӧмаӧсь куим небӧг медся ичӧт велӧдчысьяслы: «Шонді югӧр» (1969), «Асъя кыа» (1970), «Чужан му» (1971). Тайӧ уджсьыс С.С. Раевскийлы вӧлі сетӧма И.А. Куратов нима Коми АССР-са канму премия (1974).

Степан Раевский сідзжӧ вуджӧдчӧма: комиӧдӧма роч да ставмирса классикъясӧс — А. Гайдарӧс, А. Голубеваӧс, Р. Фраерманӧс, А. Рекемчукӧс.

С.С. Раевский — СССР-са гижысь котырӧ пырысь (1957).

Небӧгъяс вежны

Комиӧн вежны

Роч кыв вылӧ вуджӧдӧмӧн вежны

  • Каталог выставки Коми книги и книжной графики / НТО полиграфии и издательств Коми АССР; [вступ. ст.: С.С. Раевский]. — Сыктывкар: Коми кн.изд-во, 1961. — 55 с.
  • Тёплый север: лирические миниатюры: [для мл. шк. возраста] / Пер. с коми Д. В. Стахорского. — Сыктывкар: Коми кн.изд-во, 1993. — 168 с.

С.С. Раевский — редактор, небӧгъяс лӧсьӧдысь вежны

С.С. Раевский — коми кыв вылӧ вуджӧдчысь вежны

Наградаяс вежны

  • РСФСР-са культураын нимӧдана уджалысь (1966)
  • «Почёт пас» орден (1971)
  • Коми АССР-са канму премия (И.А. Куратов нима) (1974)

Паметь вежны

  • Межадорын чужан керка стенмас казьтылана пас.

Ӧшмӧсъяс вежны

Ыстӧдъяс вежны

  1. Остапова А. Межадорса «Дядя Стёпа» // Коми му, 2018 во. Косму тӧлысь 19-ӧд лун