Юхнин Василий Васильевич

(водзӧ ыстӧма «Юхнин Василей Василей»ысь)

Шаблон:Серпасыс абу

Юхнин Василий Васильевич
Чужан лун:

1907-ӧд вося тӧвшӧр тӧлысь 12-ӧд лун(1907-01-12)

Чужанін:
Кулан кад:

1960-ӧд вося вӧльгым тӧлысь 23-ӧд лун(1960-11-23)[1] (53 арӧс)

Куланін:
Канму:
Мыйся уджыс:

гижысь

Ошканпасъяс да премияяс:
Уджвывса Гӧрд Дӧрапас орден Почёт орден
Файл:В.В. Юхнин керка (Занулльӧ).jpg
Коми гижысь Луздор Васьлӧн чужан керка (Занулльӧ сикт, 2007 во)

Юхнин Василий Васильевич (комиӧн Луздор Вась, Öнчу Вась; 19071960) – комигижысь.

Олан туй вежны

Гижан удж вежны

Гижысьлӧн литератураын сайним — Луздор Вась. Ассьыс медводдза гижӧдсӧ йӧзӧдіс 1927 воын.

1930–öд вояс заводитчигöн сылöн перö улысь петiсны «Аскост тыш» висьт да «Дiнъёльса вöрпункт» повесьт, коді сиӧма Коми Войвылын видз-му да вӧр овмӧсъяс сӧвмӧдӧмлы.

1939–öд воö «Ударник» журналын йöзöдiс коми литератураын «Алöй лента» медводдза роман, кöнi висьтавсьö ХХ–öд нэм пансигöн коми крестьяналöн олöм йылысь. 1941–öд воын тайö романыс петiс торъя небöгöн. Роман йӧзӧдӧмысь сьӧмсӧ Луздорса Вась сетіс чужан сиктыслы пилорама ньӧбӧм вылӧ.[2] 1954 воын романсӧ вӧлі неуна вежлалӧма, лоины выль геройяс — большевикъяс. Роман лои идеологизированнӧйӧн.

Ыджыд ин Василий Юхнин творчествоын босьтӧ Айму вӧсна Ыджыд тыш тема. Сылы сиӧма «Менам Москва» кывбур (1941),«Герой йылысь сказ» поэма (1942), кӧні висьтавсьӧ Сӧветскӧй Союзса В.П. Кисляков подвиг йылысь, «Сöветскöй Союзса герой Николай Оплеснин» очерк (1942), «Ухта карса пионер» очерк (1943) бурӧвӧй мастер Косолапкин йылысь, вермӧмӧ тыллӧн пай пуктӧм йылысь. Гижысь уджалiс публицистика жанрын.

1950–öд воö сiйö йöзöдiс ылi Войвылын Сöвет власьт воясö выль олöм пуксьöм йылысь «Тундраса бияс» роман да заводитiс гижны мöдöс – «Шувгöны пожöмъяс», кодöс эз удит помавны висьöм вöснаыс. «Войвыв кодзув» журналын вӧлі йӧзӧдӧма помавтӧм романысь 4 юкӧн (2007 во, 8-10 №№ 8).

Ёна тöдсаöсь В. Юхнинлöн челядьлы гижöм небöгъясыс: «Зарни кыв» пьеса–мойд да «Биа нюр» повесьт. «Биа нюр» медводдзаысь петавліс 1952 воын. Тайӧ кык велӧдчысь Сеня Майбыров да Митя Кушманов йылысь гижӧд, кыдзи найӧ тӧдмалісны Биа нюлысь гусяторсӧ. Гижöдъяссö сылысь вуджöдöма роч кыв вылö да йӧзӧдӧма торъя небӧгӧн 1959 воын. Тайӧ вӧлі коми челядьлы лӧсьӧдӧм медводдза гижӧд, коді петіс Ставсоюзса тшупӧдӧ.

СССР–са гижысьяс котырын 1938–öд восянь.

Небӧгъяс вежны

Йӧзӧдӧм небӧгъяс татысь:[3]

Комиӧн вежны

Роч кыв вылӧ вуджӧдӧмӧн вежны

Мукӧд кыв вылӧ вуджӧдӧмӧн вежны

Наградаяс вежны

Паметь вежны

Ӧшмӧсъяс вежны

Ыстӧдъяс вежны

  1. 1,0 1,1 1,2 1,3 1,4 Юхнин Василий Васильевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969.
  2. Панорама столицы, 2007 во. Лӧддза-номъя тӧлысь 14 лун
  3. Коми Республикаса национальнӧй библиотека